Entradas archivadas en Eventos

A próxima edición do Primos Hermanos, realizará a súa parada en Santiago de Compostela o día 1 de abril, mentres que a quenda de Oviedo realizarase dúas semanas despois, o sábado 15.

Este evento que chega á súa cuarta edición, é un festival de irmandamento entre Galicia e Asturias, que intercambia a música e a gastronomía das dúas comunidades.

ph2017_banner_fb_uvieu

Primos Hermanos 2016

Marzo de 2015. El Patio de Lara, Oviedo. Galegos e asturianos intercambian olladas esquivas dende recantos opostos do local. Compartiron un bo concerto e agora están compartindo xantar, un suculento lacón con grelos do que non quitan ollo, intentando evitar así o bando contrario. É isto un verdadeiro irmandamento? Hai quen empeza a dubidalo. A medida que avanza a comida, as voces comezan a empastar. Parece ser o efecto do viño primeiro, e do licor café máis adiante. Caldéanse os ánimos, pálpase a tensión. De súpeto, dende o recanto asturiano álzanse varias voces. É “Nel pozu María Luisa”. Xa é demasiado tarde, o duelo é a morte. No bando galego responden cunha sempre efectiva “Mira Maruxiña”. E así empezan a sucederse unha tras outra cantigas galegas e tonadas asturianas, nun duelo sen cuartel no que, polo menos desta vez, ao final non hai vencedores nin vencidos. Inda que si moitas apertas.

O segundo asalto vaise librar este ano en Santiago o 20 de febreiro, dentro do Primos Hermanos 2016. Aprendices de trobadores, xograres frustrados e tenores tabernarios están convocados a participar. Porque somos conscientes de que a miúdo nos movemos nunhas coordenadas que buscan referencias que non son as nosas. Non pertencen á tradición de, probablemente, os nosos pais. E indubidablemente tampouco á dos nosos avós. Tan diferentes son as cancións que acompañaban os mineiros cubertos de po na súa baixada ao pozo ou as que entoaban as nosas avoas mentres recollían patacas, dos cánticos baixo o sol dos traballadores das plantacións do sur americano? Non o son, todas parten da necesidade de facer máis soportable o traballo, de ritualizar as repetitivas e arduas actividades do día a día, ou de celebrar o cotián.

Así, este ano, dentro do Primos Hermanos queremos homenaxear esta tradición, e ao mesmo tempo proxectos que están facendo moito por recuperala, por lembrárnola. Os Amigos dos Músicos, Sés, Caxade, Xel Pereda… O duelo de tonadas contra cantigas celebrarase no Restaurante Resas, e nel pode participar quen queira, a valente título individual, ou protexido dentro dun confortable grupo, apuntándose a través desta ligazón.

Celebrémolo. E, como di o insigne trobador xixonés… “si no hay una botella con la que brindar por las cosas que hay que recuperar…”. Pois iso, vinu, cantares e amor.

Primos Hermanos 2016
A cantautora alemá afincada en Asturias, Fee Reega, e o grupo power-pop Thee Operators serán dous dos protagonistas do festival Primos Hermanos, que terá lugar o próximo 20 de febreiro en Santiago de Compostela.

O evento, organizado pola asociación sen ánimo de lucro Desconcierto Cultural, completa o seu cartel conformado exclusivamente por artistas asturianos coa participación da banda soul-rock Autotan, o grupo de garage Bobkat’65, e o cabaré vangardista de Rodrigo Cuevas.

Todas as actuacións se distribuirán nos locais composteláns do Embora (Rodrigo Cuevas), a Casa das Crechas (Autotan e Fee Reega) e o Cachán Clube (Bobkat’65 e Thee Operators). Tamén se celebrará un xantar de confraternidade galego-asturiana no restaurante Resas.

Tanto os abonos como as entradas para unha parte do espectáculo pódense adquirir nesta ligazón. Pola súa banda, os tickets para a comida de irmandamento no Restaurante Resas pódense reservar aquí. Os horarios concretos para a sesión vermú, o xantar e as actuacións nos diferentes locais anunciaranse a vindeira semana na web do evento e nas redes sociais de Desconcierto Cultural.

O festival terá unha segunda cita o próximo 5 de marzo en Oviedo que, nesta ocasión, estará protagonizada por artistas e grupos galegos. En concreto, desprazaranse á comunidade veciña diola, Os amigos dos músicos, Músculo!, Malandrómeda e Lengorón. Na capital ovetense contarase coa colaboración dos locais La Lata de Zinc e La Salvaje e as entradas ou abonos pódense mercar aquí.

Podes descargar a nota de prensa con información completa en galego, asturianu e castelán, picando aquí.

Non contentos con traer o mellor da escena musical asturiana a Santiago, o festival Primos Hermanos organizado por Desconcierto Cultural replícase en apenas 15 días cunha boa mostra da mellor música independente ao norte do Miño. Os sábados 7 e 21 de marzo son as datas marcadas para este intercambio que xorde do cariño e da simpatía mutuos que nos temos os habitantes das comunidades norteñas veciñas.

Ademais da riqueza sonora, se de algo podemos presumir ambas as comunidades é da excelente gastronomía tradicional da que gozamos, polo que aproveitaremos a ocasión para celebrar dúas comidas de irmandade con algúns dos pratos máis emblemáticos de Galicia e de Asturias que serán ofrecidos en senllos restaurantes en Santiago de Compostela e Oviedo, para que no Primos Hermanos os padais gocen tanto como os oídos.

zona central

Igual que ocorreu o ano pasado, na edición santiaguesa do Primos Hermanos poderemos ver cinco bandas asturianas distribuídas en tres locais da cidade.

A xornada comezará ás 13.00 horas na terraza do Embora, lugar perfecto para escanciar unas botellas de sidra mentres escoitamos o folk-pop luminoso dos xixoneses Noise ‘n’ Confusion, para ao rematar dirixirnos ao Resas, onde desfrutaremos dunha comida asturiana adaptada ao toque vangardista dun dos locais de referencia da restauración compostelá.

Logo dunha sobremesa na que intentaremos aclarar quen son os primos e quen os irmáns, seguiremos o noso percorrido na Casa das Crechas, cos concertos de Lucas 15 e La Villana. Tras estes nomes atópanse Xel Pereda e Natalia Quintanal, personaxes clave para entender a música feita en Asturias nos últimos 20 anos.

E se a tarde llela dedicaremos a artistas consagrados, a noite será a vez de dous dos proxectos con máis futuro da comunidade veciña. O demoledor directo dos novísimos One for Apocalypse e a electrónica escura e sensual de HUIAS porán o peche a esta edición no Cachán Clube.

Primos Hermanos

Se celebrará el 15 de febrero en diferentes espacios de la capital gallega, en los que podremos disfrutar de los conciertos de Fasenuova, Tuya, Elle Belga, Xabel Vegas y Pablo Und Destruktion.

Del cariño y simpatía mutuo que nos tenemos los habitantes de las comunidades norteñas vecinas surge esta nueva iniciativa de Desconcierto Cultural. En el Kunsthalle, Casa das Crechas y Cachán Clube podremos disfrutar de músicos y bandas asturianas en un intento de resumir en 5 conciertos lo que está sucediendo en la escena musical asturiana actualmente.
Y como de nuestros vecinos algo que nos gusta tanto como su riqueza sonora es su gastronomía tradicional, aprovecharemos la ocasión para celebrar una comida de hermanamiento con algunos de sus platos más emblemáticos que será ofrecido por la experta cocina del Kunsthalle. Fabada, cachopines, sidra, pastel de cabracho y demás manjares para que en Primos Hermanos los paladares disfruten tanto como los oídos.